لــقــد عــدت + قرار مهم جدا بخصوص المدونة

السلام عيكم

رمضان كريم رغم انه قرب يخلص

بس معكم “ليدر المدونة” *بفف* سارة

بتتذكروا لما قلتلكم انه انا خلص ما رح أقدر أكتب وأنزل أي شيء بسبب اني كنت توجيهي “يعني ثاني ثانوي” وهي كانت آخر سنة الي بالمدرسة بتتذكروا , هي مرقت الأيام بسرعة وصرت مخلصة

اه خلصت عنجد هي كانت تمشي على أقل من مهلها السنة بس لما فكرت فيها هي مرت بسرعة لا تسألوني كيف

المهم انا رجعت وما رح أوعدكم بأي شيء مثل كل مرة لأنه انتو المضرريين الصراحة وانا يمكن فعلا أكون فاضية بس أهم شي الأفكار بعدين انا حابة شوي آخد فترة راحة ونقاهة بعد التعب الي تعبته بالدراسة وسهر الليالي جد تعبت وحابة استرخي لفترة بس انا جد جد حابة أكتب في أفكار براسي بحاول أجمعها وأرتبها لحتى أوصل لقصة عرفتوا المهم أنا مخططة إني اكتب لا تخافوا

“قرار مهم جدا بخصوص المدونة”

قررت أنا والمدونة “بثينة” إنه نخلي المدونة مش بس لاكسو ..نضيف الها فرق .. انا الصراحة خطرت فبالي الفكرة وكنت حابة أضيف بجانب اكسو بانقتان بما إني صرت فان جديد لإلهم بس إجت المدونة بثينة وحكت لي انه نخليها لأكثر من فرقة انا مني وعلي مش حابة تصير لكل الكيبوب يعني نخلي بس لفرق محددة وهالفرق رح تكون حسب تصويتكم يعني اكسو خلص موجودة وبانقتان هيك هيك رح أضيفهم بس بالنسبة للفرق الثانية حسب تصويتكم وأكثر فرق بيجيها تصويت بنضيفها ان شا الله ..

ومنجد آسفة جدا على الإهمال فعلا انا مش قد المسؤولية أبدا بس دراستي أهم من كل شيء كان ما لازم افتح المدونة إلا لما أخلص مدرستي كلها على بعضها والحمد لله خلصنا منها..

__

بالإضافة إنه بما إنه رح نضيف فرق جديدة بدنا كاتبات جدد للفرق الجديدة فاللي بده ينضم يعلق مع أي موقع تواصل أقدر أتواصل معه لأنه بدون موقع تواصل أنا كيف بدي احكي معك مثلا .. وأهم اشي تكونوا عارفين شروط الانضمام افتحوا “هنا”  ..

__

أنا من مخططاتي في رواية ان شا الله رح اكتبها لبيكهيون ومن زمان بحكيلكم رح اكتبها انا بس على كل حال خلص وعد اني رح اكتبها وأنزلها وحاطة ببالي أكتب وحدة لكوكي .. فادعولي انه افاكري تترتب , وإن شا الله خير .. وادعولي بالنجاح ادعولي بهالشهر الفضيل منجد تعبت اتمنى انه يكون معدلي فوق ما هو متوقع ..

…..

أحب أشكر المدونة بثينة لأنه اهتمت بالمدونة بغيابي وقامت بواجبها وزيادة منجد وكانت يمكن تهتم فيها أكثر من ما أنا كنت .. شكرا الك كتتير ♥

….

بعيدا عن المدونة أنا حابة تعرفوا حسابي على التويتر .. تفقدوا التغريدة المثبتة متأكدة إنها رح تسليكم وان شا الله بعد رمضان برد أنزل عليها أشياء أكتر

Facebook |  Twitter | Sayat

---